തൃശൂര് : കുട്ടികളുടെ നഗ്ന ചിത്രങ്ങളും വീഡിയോകളും സമൂഹമാദ്ധ്യമങ്ങളിലൂടെ പ്രചരിപ്പിച്ച കേസില് യുവാവ് അറസ്റ്റില്. തൃശൂര് ജില്ലയിലെ അണ്ടത്തോട് കോലായില് ഇക്ബാല്(28) ആണ് അറസ്റ്റിലായത്. കുട്ടികളുടെ നഗ്ന ചിത്രങ്ങളും വീഡിയോകളും പ്രചരിപ്പിക്കുന്നത് തടയുന്നതിനായി സൈബര് സെല്ലിന്റെ സഹായത്തോടെ നടത്തിയ പരിശോധനയിലാണ് ഇക്ബാലിനെ വടക്കേക്കാട് പോലീസ് അറസ്റ്റ് ചെയ്യുന്നത്.
സമൂഹമാദ്ധ്യമങ്ങളിലൂടെ കുട്ടികളുടെ നഗ്ന ചിത്രങ്ങള് പ്രചരിപ്പിക്കുന്നത് തടയുന്നതിനായുള്ള ഓപ്പറേഷന് പി ഹണ്ടിന്റെ ഭാഗമായി ചമ്മന്നൂര്, കല്ലിങ്ങല്, കടിക്കാട്, വടക്കേക്കാട്, അണ്ടത്തോട് എന്നിവിടങ്ങളിലാണ് ഒരേ സമയം പരിശോധന സംഘടിപ്പിച്ചത്. സൈബര് സെല്ലിന്റെ സഹായത്തോടെ നടന്ന പരിശോധനക്ക് എസ്എച്ച്ഒ എം സുരേന്ദ്രന്, എസ്ഐ രാജീവ്, എഎസ്ഐ എംജെ ജോഷി, സൈബര് സെല് വിദഗ്ധരായ ശ്രീരാഗ്, ശ്രീകുമാര് എന്നിവരാണ് നേതൃത്വം നല്കിയത്.
നിലവില് ഇത്തരം ചിത്രങ്ങള് പ്രചരിപ്പിക്കുന്ന സമൂഹമാദ്ധ്യമ ഗ്രൂപ്പുകള് പോലീസിന്റെ നിരീക്ഷണത്തിലാണ്. കൂടാതെ പരിശോധനയുടെ ഭാഗമായി മണത്തലയിലും, സിദ്ധിഖ് പള്ളിക്കടുത്തുമുള്ള രണ്ട് വീടുകളില് നടത്തിയ റെയ്ഡിൽ ഒരാളുടെ ഫോണും പിടിച്ചെടുത്തിട്ടുണ്ട്.
Read also : സ്വര്ണ്ണക്കടത്ത് കേസ്; ശിവശങ്കറിന്റെ ജാമ്യാപേക്ഷ ഇന്ന് പരിഗണിക്കും