തിരുവനന്തപുരം: അവശ്യ സാധനങ്ങളുടെ വില വർധനക്ക് പ്രധാന കാരണം ഇന്ധനവിലയിൽ ഉണ്ടാകുന്ന വർധനയാണെന്നും, അതിന്റെ കാരണക്കാർ കേന്ദ്രസർക്കാർ ആണെന്നും വ്യക്തമാക്കി സിപിഐഎം സംസ്ഥാന സെക്രട്ടറി എ വിജയരാഘവൻ. നിലവിലെ വിലക്കയറ്റം സാധാരണക്കാർക്ക് താങ്ങാനാവുന്നതല്ല എന്നും അദ്ദേഹം അറിയിച്ചു.
ഇന്ധനവിലയിൽ ഉണ്ടാകുന്ന വർധന ഒഴിവാക്കുന്നതിനായി സ്പെഷ്യൽ എക്സൈസ് തീരുവ പൂർണമായും ഒഴിവാക്കുകയാണ് കേന്ദ്രം ചെയ്യേണ്ടത്. സാധാരണക്കാരുടെ നികുതിയാണ് കേന്ദ്രം വർധിപ്പിക്കുന്നതെന്നും, കോർപ്പറേറ്റുകളുടെ നികുതി കേന്ദ്രസർക്കാർ കൂട്ടുന്നില്ലെന്നും എ വിജയരാഘവൻ ചൂണ്ടിക്കാട്ടി.
ഇന്ധന നികുതിയിലൂടെ ലഭിക്കുന്ന പണം സംസ്ഥാന സർക്കാർ ജനങ്ങളുടെ വികസനത്തിന് വേണ്ടിയാണ് ഉപയോഗിക്കുന്നതെന്നും, ഇത് തടയാനാണ് ഇന്ധന നികുതി കുറക്കണമെന്ന് കോൺഗ്രസ് ആവശ്യപ്പെടുന്നതെന്നും അദ്ദേഹം അറിയിച്ചു. കൂടാതെ കെ റെയിൽ പദ്ധതിയെ എതിർക്കുന്നതിലൂടെ സംസ്ഥാനത്തെ വികസനം ഇല്ലാതാക്കാനാണ് കോൺഗ്രസ് ശ്രമിക്കുന്നതെന്നും എ വിജയരാഘവൻ ചൂണ്ടിക്കാട്ടി.
Read also: നോക്കുകൂലി ചൂഷണം അവസാനിപ്പിക്കണം; വീണ്ടും ഇടപെട്ട് ഹൈക്കോടതി