ഡെൽഹി: പെൻഷൻകാരുടെ ഡിജിറ്റൽ ലൈഫ് സർട്ടിഫിക്കറ്റ് (ജീവൻ പ്രമാൺ) ലഭിക്കുന്നതിന് ഇനി മുതൽ ആധാർ നിർബന്ധമല്ല. സർക്കാരിന്റെ സന്ദേശ് ആപ്പ്, ഓഫീസ് ബയോമെട്രിക് ഹാജർ എന്നിവക്കും ആധാർ നമ്പർ ആവശ്യമില്ല. എന്നാൽ, താൽപര്യമുളളവർക്ക് ആധാർ നൽകുന്നതിന് തടസമുണ്ടാകില്ല. കേന്ദ്ര സർക്കാർ ഇതുസംബന്ധിച്ച വിശദമായ വിജ്ഞാപനം പുറത്തിറക്കി.
പെൻഷൻകാർ നേരിട്ട് ഓഫീസിൽ ഹാജരായി ലൈഫ് സർട്ടിഫിക്കറ്റ് നൽകുന്നതിനുളള ബുദ്ധിമുട്ട് ഒഴിവാക്കാൻ ആയിരുന്നു സർക്കാർ ജീവൻ പ്രമാൺ സംവിധാനം ഏർപ്പെടുത്തിയത്. സർക്കാർ വകുപ്പുകളുടെ സന്ദേശ് ആപ് രൂപകൽപ്പനചെയ്തത് നാഷണൽ ഇൻഫർമാറ്റിക്സ് സെന്ററാണ്.
എന്നാൽ പെൻഷൻകാരിൽ പലർക്കും ആധാർ ഇല്ലാത്തതും ഡിജിറ്റൽ സംവിധാനത്തിലെ പ്രായോഗിക ബുദ്ധിമുട്ടകളെ സംബന്ധിച്ച് പരാതികൾ ഉയർന്നതോടെയുമാണ് ഇപ്പോൾ ഭേദഗതി വരുത്തിയിരിക്കുന്നത്. ഇതോടെ ഡിജിറ്റൽ ലൈഫ് സർട്ടിഫിക്കറ്റ് ലഭിക്കുന്നതിനായി ഇനി ആധാർ നിർബന്ധമാവില്ല.
Read Also: ചാനലുകളുടെ തിരഞ്ഞെടുപ്പ് സർവേകൾ തടയണം; പരാതി നൽകി ചെന്നിത്തല