തൃശൂർ : ജില്ലയിലെ കുതിരാനിൽ ചരക്കുലോറി മറിഞ്ഞ് ഒരാൾ മരിച്ചു. കുതിരാൻ ദേശീയപാതയിൽ 40 അടി താഴ്ചയിലേക്ക് ചരക്കുലോറി മറിയുകയായിരുന്നു. ഇന്നലെ രാത്രി പത്തരയോടെയാണ് സംഭവം ഉണ്ടായത്.
തൃശൂരിലേക്ക് വരികയായിരുന്ന ചരക്കുലോറി റോഡരികിൽ സ്ഥാപിച്ചിരുന്ന അയേൺ ക്രാഷ് ഗാർഡുകൾ തകർത്തു താഴേക്ക് പതിച്ചു. ലോറി ജീവനക്കാരായ 2 പേരായിരുന്നു ലോറിയിൽ ഉണ്ടായിരുന്നത്. ഇരുവരും തമിഴ്നാട് സ്വദേശികളാണ്.
ലോറി മറിഞ്ഞ സമയത്ത് അതിനുള്ളിൽ ഉണ്ടായിരുന്ന ഒരാളെ മാത്രമാണ് പെട്ടെന്ന് പുറത്തെടുക്കാൻ സാധിച്ചത്. തുടർന്ന് ഇയാളെ തൃശൂരിലെ സ്വകാര്യ ആശുപത്രിയിലേക്ക് മാറ്റി. എന്നാൽ രണ്ടാമത്തെയാൾ ഏറെ നേരം ലോറിക്കുള്ളിൽ കുടുങ്ങി കിടന്നിരുന്നു. ശേഷം തൃശൂരിൽ നിന്നെത്തിയ അഗ്നി സുരക്ഷാസേനയും പോലീസും ചേർന്നു നടത്തിയ രക്ഷാപ്രവർത്തനത്തിലാണ് രണ്ടാമത്തെ ആളെയും പുറത്തെടുത്തത്.
Read also : യുപിയിൽ യുവതിക്ക് ക്രൂര പീഡനം; തീ കൊളുത്തി കൊല്ലാൻ ശ്രമം; അച്ഛനും മകനും പിടിയിൽ