പനാജി: സിനിമ താരം നഫീസ അലി തൃണമൂലിൽ ചേർന്നു. ബംഗാള് മുഖ്യമന്ത്രിയും തൃണമൂല് കോണ്ഗ്രസ് അധ്യക്ഷയുമായ മമത ബാനര്ജിയുടെ സാന്നിധ്യത്തിലായിരുന്നു നഫീസ പാർട്ടിയിൽ അംഗത്വമെടുത്തത്. പ്രമുഖരെ പാര്ട്ടിയില് അണിനിരത്തി 2022ലെ നിയമസഭാ തിരഞ്ഞെടുപ്പില് ഗോവയില് ചുവടുറപ്പിക്കാനാണ് മമത ലക്ഷ്യമിടുന്നത്. ബിഗ്ബി എന്ന ചിത്രത്തിലൂടെ മലയാളികളുടെയും പ്രിയങ്കരിയായി മാറിയ നടിയാണ് നഫീസ അലി. മേരി ജോണ് കുരിശിങ്കല് എന്ന കഥാപാത്രത്തെയാണ് ചിത്രത്തിൽ നഫീസ അവതരിപ്പിച്ചത്.
മൂന്നുദിവസത്തെ സന്ദർശനത്തിന് ബംഗാൾ മുഖ്യമന്ത്രി മമതാ ബാനർജി വ്യാഴാഴ്ച വൈകിട്ട് ഗോവയിലെത്തിയിരുന്നു. മുഖ്യമന്ത്രിയെ തൃണമൂല് എംപി ഡെറിക് ഒബ്രിയാന്, മറ്റു പ്രമുഖ നേതാക്കള് തുടങ്ങിയവര് സ്വീകരിച്ചു. വെള്ളിയാഴ്ച വൈകിട്ട് സമുദായ പ്രതിനിധികളുമായി മമത കൂടിക്കാഴ്ച നടത്തും. തിരഞ്ഞെടുപ്പിന് മുന്നോടിയായി ബിജെപി ഭരിക്കുന്ന സംസ്ഥാനത്തിന്റെ രാഷ്ട്രീയം മനസിലാക്കുകയാണ് മമതയുടെ സന്ദര്ശന ലക്ഷ്യം. ബംഗാളില് നേടിയ വന് വിജയത്തിന്റെ ആത്മവിശ്വാസത്തിൽ ബിജെപി ഭരിക്കുന്ന സംസ്ഥാനങ്ങളായ ഗോവയും ത്രിപുരയും പിടിച്ചെടുക്കുകയാണ് തൃണമൂലിന്റെ അടുത്ത ലക്ഷ്യം.
Read also: മാനനഷ്ടക്കേസ്; അര്ണബ് ഗോസ്വാമിക്കും റിപ്പബ്ളിക് ചാനലിനുമെതിരെ സമന്സ്