തിരുവനന്തപുരം: പ്രശസ്ത സീരിയല് നടന് വലിയശാല രമേശ് അന്തരിച്ചു. 54 വയസായിരുന്നു. തിരുവനന്തപുരം വലിയശാല സ്വദേശിയാണ്. ഇരുപത്തിരണ്ട് വര്ഷമായി സീരിയല്, സിനിമാ രംഗത്ത് സജീവമായിരുന്നു രമേശ്. നാടകരംഗത്ത് നിന്നാണ് സീരിയലിലേക്ക് എത്തിയത്.
തിരുവനന്തപുരം മോഡൽ സ്കൂളിലായിരുന്നു വിദ്യാഭ്യാസം. കോളേജ് പഠനകാലത്ത് നാടകത്തിൽ സജീവമായി. പൗർണമിതിങ്കൾ എന്ന പരമ്പരയിലാണ് ഏറ്റവും ഒടുവിലായി വേഷമിട്ടത്. നിർമാതാവും പ്രൊഡക്ഷൻ കൺഡ്രോളറുമായ എൻഎം ബാദുഷയാണ് വിയോഗവാർത്ത ഫേസ്ബുക്ക് പോസ്റ്റിലൂടെ അറിയിച്ചത്.
Read Also: സംസ്ഥാനത്ത് സ്കൂളുകൾ തുറക്കാൻ മുന്നൊരുക്കങ്ങൾ ആരംഭിച്ചു; വിദ്യാഭ്യാസ മന്ത്രി