മസ്ക്കറ്റ്: മസ്ക്കറ്റിൽ നിന്നും കണ്ണൂരിലേക്ക് സർവീസ് ആരംഭിക്കാൻ തീരുമാനിച്ച് എയർ ഇന്ത്യ. ജൂൺ 21ആം തീയതി മുതലാണ് സർവീസ് ആരംഭിക്കുക. ചൊവ്വ, വെള്ളി, ഞായര് എന്നീ ദിവസങ്ങളിലായി ആഴ്ചയിൽ മൂന്ന് ദിവസം സർവീസ് ഉണ്ടായിരിക്കും.
കണ്ണൂരില് നിന്ന് രാത്രി 10.20ന് പുറപ്പെടുന്ന വിമാനം പ്രാദേശിക സമയം 12.20ന് മസ്കറ്റില് എത്തും. മസ്കറ്റില് നിന്ന് വൈകിട്ട് 4.30ന് പുറപ്പെടുന്ന വിമാനം 9.30ന് കണ്ണൂരില് ഇറങ്ങും. നിലവിൽ എയര് ഇന്ത്യ എക്സ്പ്രസ്, ഗോ ഫസ്റ്റ് വിമാന കമ്പനികളാണ് മസ്ക്കറ്റ്-കണ്ണൂർ റൂട്ടിൽ സർവീസ് നടത്തുന്നത്. ഇപ്പോൾ എയർ ഇന്ത്യ കൂടി സർവീസുകൾ ആരംഭിക്കുന്നതോടെ ടിക്കറ്റ് നിരക്കിൽ കുറവ് ഉണ്ടാകുമെന്ന പ്രതീക്ഷയിലാണ് പ്രവാസികൾ.
Read also: സ്വപ്നക്കെതിരായ പരാതി; കെടി ജലീലിന്റെ വിശദമൊഴി രേഖപ്പെടുത്തി