കൊല്‍ക്കത്ത: തീവ്രവാദ സംഘടനയായ അല്‍-ഖ്വയ്ദയുമായി ബന്ധം പുലര്‍ത്തിയ ഒരാളെ കൂടി അറസ്റ്റ് ചെയ്‌ത് എന്‍ഐഎ. പശ്ചിമ ബംഗാളിലെ മുര്‍ഷിദാബാദ് ജില്ലയിലുള്ള ജലാംഗി സ്വദേശി ഷമീം അന്‍സാരിയെയാണ് എന്‍ഐഎ അറസ്റ്റ് ചെയ്‌തത്. വീട്ടില്‍ വെച്ചാണ് ഇയാളെ എന്‍ഐഎ സംഘം പിടികൂടിയത്.
മൂന്ന് വര്‍ഷത്തോളം ഇയാള്‍ കേരളത്തില്‍ ജോലി ചെയ്‌തതായി എന്‍ഐഎ വ്യക്തമാക്കി. ഇയാളില്‍ നിന്ന് മൊബൈല്‍ ഫോണും ഉദ്യോഗസ്ഥര്‍ പിടിച്ചെടുത്തിട്ടുണ്ട്.
പാകിസ്ഥാന്‍ ആസ്ഥാനമാക്കി പ്രവര്‍ത്തിക്കുന്ന തീവ്രവാദ സംഘടനയായ അല്‍-ഖ്വയ്ദയുമായുള്ള ബന്ധത്തിന്റെ പേരില്‍ അറസ്റ്റിലാകുന്ന പത്താമത്തെ ആളാണ് ഷമീം. പശ്ചിമ ബംഗാളില്‍ വെച്ച് ആറ് പേരെയും കേരളത്തില്‍ വെച്ച് മൂന്ന് പേരെയും എന്‍ഐഎ നേരത്തെ അറസ്റ്റ് ചെയ്‌തിരുന്നു.
Read Also: ഇന്ത്യാ ഗേറ്റിൽ ട്രാക്റ്റർ കത്തിച്ച് കർഷകർ
