കൊച്ചി: കാലടി സർവകലാശാലയിൽ വീണ്ടും നിയമന വിവാദം. പാർട്ടി സഹയാത്രികക്ക് ജോലി നൽകണമെന്ന് ആവശ്യപ്പെട്ട് പറവൂർ ഏരിയ സെക്രട്ടറി ജില്ലാ കമ്മിറ്റിക്ക് അയച്ച കത്ത് പുറത്ത്. കത്തിൽ പരാമർശിക്കുന്ന ഡോ. സംഗീതക്ക് സർവകലാശാലയിൽ നിയമനം ലഭിച്ചിരുന്നു.
കത്തുമായി വരുന്ന ഡോ. സംഗീത പാർട്ടി സഹയാത്രികയാണ്. ഇവരെ കാലടി സർവകലാശാലയിൽ മലയാളം അസിസ്റ്റന്റ് പ്രൊഫസർ തസ്തികയിലേക്ക് അഭിമുഖത്തിന് ക്ഷണിച്ചിട്ടുണ്ട്. കഴിയാവുന്നത്ര സഹായം ഇവർക്ക് ചെയ്ത് കൊടുക്കണമെന്ന് ആവശ്യപ്പെട്ടുകൊണ്ട് പറവൂർ ഏരിയ സെക്രട്ടറി അയച്ച കത്താണ് പുറത്ത് വന്നിരിക്കുന്നത്. മലയാള വിഭാഗം അസിസ്റ്റന്റ് പ്രൊഫസർ തസ്തികയിൽ മൂന്ന് ഒഴിവുകളാണ് ഉണ്ടായിരുന്നത്. മുസ്ലിം സംവരണം (1), ക്രിസ്ത്യൻ നാടാർ വിഭാഗം (1), ധീവര വിഭാഗം (1) എന്നിങ്ങനെയായിരുന്നു ഒഴിവുകൾ.
Read also: പിൻവാതിൽ നിയമനം: യുഡിഎഫ് പുതിയ നിയമം കൊണ്ടുവരും; ചെന്നിത്തല