കണ്ണൂർ: കെപിസിസി പ്രസിഡണ്ട് കെ സുധാകരനെതിരെ വിജിലൻസിന്റെ പ്രാഥമിക അന്വേഷണം. അഴിമതി ആരോപണം ഉന്നയിച്ച് സുധാകരന്റെ മുൻ ഡ്രൈവർ പ്രശാന്ത് ബാബു നൽകിയ പരാതിയിലാണ് അന്വേഷണം നടത്താൻ ഉത്തരവിട്ടത്. പരാതിയിൽ പ്രാഥമിക അന്വേഷണം നടത്തി റിപ്പോർട് നൽകാൻ വിജിലൻസ് ഡയറക്‌ടർ ഉത്തരവിട്ടു. പരാതിയിൽ കഴമ്പുണ്ടോയെന്നാണ് പ്രാഥമിക പരിശോധന.
കെ കരുണാകരൻ ട്രസ്‌റ്റിന്റെ പേരിൽ പണപ്പിരിവ് നടത്തിയെന്നും കണ്ണൂർ ഡിസിസി ഓഫീസ് നിർമാണത്തിൽ ക്രമക്കേട് ഉണ്ടായിട്ടുണ്ടെന്നും സുധാകരന്റെ മുൻ ഡ്രൈവർ ആരോപിച്ചിരുന്നു. പരാതിയെ തുടർന്നാണ് പ്രാഥമിക അന്വേഷണം നടത്തി റിപ്പോർട് നൽകാൻ വിജിലൻസ് ഡയറക്‌ടർ ഉത്തരവിട്ടത്. പരാതി കോഴിക്കോട് വിജിലൻസ് എസ്‌പിക്ക് കൈമാറിയിട്ടുണ്ട്.
Read Also: വിവാദ മരംമുറി ഉത്തരവിന് പിന്നിൽ മുൻ റവന്യൂ മന്ത്രി; തെളിവുകൾ പുറത്ത്
