കൊച്ചി: കോടതി വിധി വരുന്നതിന് മുൻപ് നടൻ വിജയ് ബാബുവിനെ പുറത്താക്കാൻ ആകില്ലെന്ന് താരസംഘടനയായ ‘അമ്മ’. വിജയ് ബാബുവിനെതിരായ പീഡന പരാതി കോടതി പരിഗണനയിലാണ്. കോടതി വിധി വരുന്നതിന് മുൻപ് എടുത്തുചാടി തീരുമാനം എടുക്കാൻ ആകില്ലെന്ന് ഇടവേള ബാബു പറഞ്ഞു.
വിജയ് ബാബു നിരവധി ക്ളബുകളിൽ അംഗമാണ്. അമ്മ അതിൽ ഒരു ക്ളബ് മാത്രമാണ്. മറ്റു ക്ളബുകൾ വിജയ് ബാബുവിനെ പുറത്താക്കിയിട്ടില്ലെന്നും ഇടവേള ബാബു പറഞ്ഞു. വിജയ് ബാബുവിന്റെ വിഷയത്തിൽ പരാതി പരിഹാര സെല്ലിൽ നിന്നും രാജിവെച്ചവരുടെ രാജി സ്വീകരിച്ചതായും ഇടവേള ബാബു അറിയിച്ചു.
അമ്മക്ക് മാത്രമായി ഇനി ആഭ്യന്തര പരാതി പരിഹാര സമിതി(ഐസിസി) ഇല്ല. സിനിമക്ക് മൊത്തമായി ഫിലിം ചേംബറിന് കീഴിൽ ഒരു ഐസിസി ഉണ്ടാവും. അതിൽ അമ്മ പ്രതിനിധികൾ ഉണ്ടാകുമെന്നും ഇടവേള ബാബു വ്യക്‌തമാക്കി.
Most Read: കോഴിക്കോട് കോർപറേഷനിലെ കെട്ടിട നമ്പർ ക്രമക്കേട്; ഏഴ് പേർ അറസ്‌റ്റിൽ
