എറണാകുളം: മരടിൽ സ്കൂൾ ബസിന് മുകളിൽ വൈദ്യുത പോസ്റ്റ് വീണു. എസ്ഡികെവൈ ഗുരുകുല വിദ്യാലയത്തിലെ ബസാണ് അപകടത്തിൽപ്പെട്ടത്. ഇന്ന് രാവിലെ 7.45ഓടെയായിരുന്നു സംഭവം. അപകടം നടക്കുമ്പോൾ എട്ട് കുട്ടികളാണ് ബസിൽ ഉണ്ടായിരുന്നത്. ആർക്കും പരിക്കുകളില്ല. വൈദ്യുത പോസ്റ്റിലെ കേബിളിൽ ബസ് കുരുങ്ങിയതാണ് അപകടത്തിന് കാരണമായത്.
സംഭവം നടക്കുമ്പോൾ വൈദ്യുതി ഇല്ലാത്തതിനാൽ വൻ ദുരന്തമാണ് ഒഴിവായത്. പ്രശ്നം നഗരസഭ അധികൃതരെ അറിയിച്ചിട്ടും നടപടി ഉണ്ടായില്ലെന്ന് നാട്ടുകാർ ആരോപിച്ചു. പോസ്റ്റിന് സ്റ്റേ കമ്പികൾ ഇല്ലാത്തതും അപകട കാരണമായി നാട്ടുകാർ ചൂണ്ടിക്കാണിക്കുന്നു. എന്നാൽ, കേബിളുകൾ മുറിച്ച് മാറ്റാനുള്ള നടപടികൾ പുരോഗമിക്കുകയാണെന്നാണ് നഗരസഭയുടെ വിശദീകരണം.
Most Read: എകെജി സെന്റർ ആക്രമണം; സഭാ നടപടി നിർത്തിവച്ച് ചർച്ച ചെയ്യാൻ തയ്യാറെന്ന് മുഖ്യമന്ത്രി