വെള്ളറട: മൂന്നാറിലെ വൈദിക സമ്മേളനത്തിൽ പങ്കെടുത്ത ഒരു വൈദികൻ കൂടി കോവിഡ് ബാധിച്ച് മരിച്ചു. ഇതോടെ മരിച്ച വൈദികരുടെ എണ്ണം നാലായി. ആറയൂർ സ്വദേശിയായ ദേവപ്രസാദാണ് മരിച്ചത്. സിഎസ്ഐ ദക്ഷിണകേരള മഹായിടവക അഡ്‌മിനിസ്ട്രേറ്റീവ് അംഗം കൂടിയാണ് ദേവപ്രസാദ്‌. ഭാര്യ: ക്രിസ്‌തുരാജം, (റിട്ട ഗവ. നഴ്‌സ്). മക്കൾ: ഡാനിഷ്, അജീഷ്.
ഒരുമാസം മുമ്പാണ് സിഎസ്ഐ സഭയുടെ ധ്യാനയോഗം മൂന്നാറിൽ നടന്നത്. കോവിഡ് മാനദണ്ഡം പാലിക്കാതെയാണ് യോഗം നടന്നതെന്ന് ആരോപണം ഉയർന്നിരുന്നു. പങ്കെടുത്ത വൈദികരിൽ ഒട്ടേറെ പേർക്ക് രോഗബാധയുണ്ടായി. പരാതിയെത്തുടർന്ന് പോലീസ് കേസെടുത്തിരുന്നു.
Read Also: കുംഭമേളയിൽ പങ്കെടുത്ത ബന്ധുവുമായി സമ്പർക്കം; ഡോക്‌ടർ ഉൾപ്പടെ 13 പേർക്ക് കോവിഡ്
