കണ്ണൂർ: പയ്യന്നൂരില് സമ്പൂര്ണ ലോക്ക്ഡൗണ് ദിവസം നിയന്ത്രണങ്ങൾ കാറ്റിൽപ്പറത്തി പൊതുപരിപാടി സംഘടിപ്പിച്ചതിന് കോൺഗ്രസ് പ്രവര്ത്തകര്ക്കെതിരെ പോലീസ് കേസെടുത്തു. നൂറുകണക്കിന് ആളുകളെ പങ്കെടുപ്പിച്ച് ഞായറാഴ്ചയാണ് പയ്യന്നൂര് കൊക്കാനാശ്ശേരിയില് കോൺഗ്രസ് നേതൃത്വം സജിത് ലാല് അനുസ്മരണ പരിപാടി സംഘടിപ്പിച്ചത്. നൂറോളം പേർക്കെതിരെയാണ് കേസെടുത്തത്.
കെപിസിസി പ്രസിഡണ്ട് കെ സുധാകരൻ ഉൽഘാടനം ചെയ്ത പരിപാടിയിൽ കോവിഡ് മാനദണ്ഡങ്ങള് പാലിക്കാതെയാണ് ആളുകള് പങ്കെടുത്തത്.
സംഭവത്തില് കെപി മോഹനന്, നവനീത് നാരായണന്, ആകാശ് ഭാസ്കരന്, പയ്യന്നൂര് നഗരസഭാ കൗണ്സിലര് കെ രൂപേഷ്, വിസി നാരായണന്, കെടി ഹരീഷ് തുടങ്ങി കണ്ടാലറിയാവുന്ന നൂറില്പ്പരം പ്രവര്ത്തകര്ക്കെതിരെ പകര്ച്ചവ്യാധി നിയന്ത്രണ നിയമപ്രകാരം കേസെടുത്തതായി പോലീസ് അറിയിച്ചു.
Malabar News: ജില്ലയിലെ ചക്കിട്ടപ്പാറ പഞ്ചായത്തിൽ കാട്ടാനശല്യം രൂക്ഷമാകുന്നു