കാസർഗോഡ് : വാനിൽ കടത്താൻ ശ്രമിച്ച 466 ലിറ്റർ കർണാടക നിർമിത വിദേശമദ്യം ജില്ലയിൽ പിടികൂടി. ദേശീയപാതയിലെ പുല്ലൂരിൽ വച്ചാണ് എക്‌സൈസ്‌ സംഘം മദ്യം പിടികൂടിയത്. തുടർന്ന് സംഭവത്തിൽ കാസർഗോഡ് ബദിരടുക്ക സ്വദേശിയായ സുരേഷ(32) അറസ്‌റ്റിലായി.
എക്‌സൈസ്‌ സംഘത്തിന് ലഭിച്ച രഹസ്യ വിവരത്തിന്റെ അടിസ്‌ഥാനത്തിലാണ്‌ ദേശീയപാതയിൽ പരിശോധന നടത്തിയത്. തുടർന്ന് വാനിൽ നിന്നും 54 ബോക്‌സുകളിലായി 180 മില്ലിലിറ്ററിന്റെ 48 മദ്യക്കുപ്പികൾ അന്വേഷണ സംഘം കണ്ടെടുത്തു. പ്രതിക്കൊപ്പം തന്നെ മദ്യം കടത്തിയ വാനും എക്‌സൈസ്‌ സംഘം പിടിച്ചെടുത്തു.
കാസർഗോഡ് എക്‌സൈസ്‌ ആന്റി കറപ്ഷൻസ് സെൽ സർക്കിൾ ഇൻസ്‌പെക്‌ടർ പിപി ജനാർദനന്റെ നേതൃത്വത്തിലാണ് പരിശോധന നടത്തിയത്. കൂടാതെ പ്രിവന്റീവ് ഓഫീസർ എംവി സുധീന്ദ്രൻ, സിവിൽ എക്‌സൈസ്‌ ഓഫീസർമാരായ പി മനോജ് , ശൈലേഷ് കുമാർ, മോഹൻ കുമാർ, ഡ്രൈവർ ദിജിത് എന്നിവർ അന്വേഷ സംഘത്തിൽ ഉണ്ടായിരുന്നു.
Read also : ദുൽഖർ-ബൽകി ചിത്രത്തിന്റെ ഷൂട്ടിംഗ് ജൂലായിൽ ആരംഭിക്കും
