കൊച്ചി: ലിംഗ പരിശോധന നടത്താൻ ആവശ്യപ്പെട്ടതിനെ തുടർന്ന് ആലുവ പോലീസ് സ്റ്റേഷനിലേക്ക് ട്രാൻസ്ജെൻഡേഴ്സ് കൂട്ടായ്മയുടെ പ്രതിഷേധ മാർച്ച്. ലൈംഗിക അതിക്രമ പരാതി നൽകാൻ ആലുവ പോലീസ് സ്റ്റേഷനിൽ എത്തിയ ട്രാൻജെൻഡറിന്റെ ലിംഗ പരിശോധന നടത്തണമെന്ന് വനിതാ പോലീസ് ഉദ്യോഗസ്ഥ ആവശ്യപ്പെട്ടെന്ന് ആരോപിച്ചാണ് മാർച്ച് നടത്തുന്നത്.
ലിംഗമാറ്റ ശസ്ത്രക്രിയ സർട്ടിഫിക്കറ്റ് അംഗീകരിക്കില്ലെന്നായിരുന്നു പോലീസ് നിലപാട്. ഇതേ തുടർന്ന്, പ്രതി സ്ഥാനത്ത് ഉള്ള വനിതാ പോലീസ് ഉദ്യോഗസ്ഥയെ സർവീസിൽ നിന്ന് സസ്പെൻഡ് ചെയ്യണമെന്ന് ആവശ്യപ്പെട്ടാണ് ട്രാൻസ്ജെൻഡേഴ്സ് കൂട്ടായ്മ പ്രതിഷേധം നടത്തിയത്. ആലുവ പോലീസ് സ്റ്റേഷന് മുന്നിലെ പ്രതിഷേധ പ്രകടനം പോലീസ് തടഞ്ഞു.
Most Read: വില കുറയ്ക്കും വരെ പ്രതിഷേധം തുടരും; രാഹുൽ ഗാന്ധി