റിയാദ്: സൗദി അറേബ്യയിലെ വിവിധ ഇടങ്ങളില് ആക്രമണം നടത്താനുള്ള ഹൂതി ശ്രമം അറബ് സഖ്യസേന തകര്ത്തതായി റിപ്പോർട്. യെമനില് നിന്ന് ഹൂതികള് വിക്ഷേപിച്ച, സ്ഫോടക വസ്തുക്കള് നിറച്ച ഡ്രോണുകൾ വെള്ളിയാഴ്ച സേന തകര്ത്തതായി ഔദ്യോഗിക ടെലിവിഷന് ചാനല് റിപ്പോര്ട് ചെയ്തു. മൂന്ന് ഡ്രോണുകളാണ് വിക്ഷേപിച്ചതെന്നും റിപ്പോർട്ടിൽ പറയുന്നു.
ദക്ഷിണ സൗദിയിലും ഖമീസ് മുശൈത്തിലും ജിസാനിലും ആക്രമണം നടത്താന് ലക്ഷ്യമിട്ടാണ് മൂന്ന് ഡ്രോണുകളാണ് അയച്ചതെന്നും എന്നാൽ ഇവ ലക്ഷ്യ സ്ഥാനങ്ങളില് എത്തുന്നതിന് മുൻപ് തന്നെ അറബ് സഖ്യസേന തകര്ക്കുകയായിരുന്നു എന്നുമാണ് റിപ്പോർട്.
അതേസമയം സാധാരണ ജനങ്ങളുടെ സംരക്ഷണം ഉറപ്പാക്കാന്, അന്താരാഷ്ട്ര നിയമങ്ങള് പാലിച്ചുകൊണ്ട് സാധ്യമായ എല്ലാ നടപടികളും സ്വീകരിക്കുമെന്ന് അറബ് സഖ്യസേന വ്യക്തമാക്കി.
Read Also: പ്ളസ്ടു പരീക്ഷകൾക്ക് മാറ്റമില്ല