ഒറ്റപ്പാലം: മുൻ എംഎൽഎയുടെ പേരിൽ വ്യാജ ഫേസ്ബുക്ക് അക്കൗണ്ട് നിർമിച്ച് പണം തട്ടാൻ ശ്രമം. മുൻ എംഎൽഎ എം ഹംസയുടെ പേരിലാണ് ഫേസ്ബുക്കിൽ വ്യാജ അക്കൗണ്ട് ഉള്ളത്. ഇദ്ദേഹത്തിന്റെ ഫോട്ടോയും വിവരങ്ങളും ഉൾപ്പെടുത്തി എം.ഒറ്റപ്പാലം എന്ന പേരിലാണ് വ്യാജ അക്കൗണ്ട് നിർമിച്ചത്.
ഈ അക്കൗണ്ട് ഉപയോഗിക്കുന്നവർ മറ്റുള്ളവർക്ക് ഫ്രണ്ട്‌ റിക്വസ്‌റ്റ് അയച്ച് ഗൂഗിൾ പേ വഴി പണം തട്ടാനാണ് ശ്രമിച്ചിരുന്നത്. സംഭവത്തിൽ ഹംസ സൈബർ സെല്ലിലും പോലീസിലും പരാതി നൽകി. ഓൺലൈൻ വഴി പണം തട്ടുന്ന കേസുകൾ ജില്ലയിൽ വർധിക്കുന്നതായി സൈബർ അധികൃതർ പറഞ്ഞു.
Read Also: സിക ബാധിത മേഖല സന്ദർശിച്ച് കേന്ദ്രസംഘം; ആക്ഷൻ പ്ളാൻ തയ്യാറാക്കാൻ നിർദ്ദേശം
