മലമ്പുഴ: ധോണിയിൽ വീണ്ടും പുലിയുടെ സാന്നിധ്യം. വനം വകുപ്പ് സ്ഥാപിച്ച കൂടിന് സമീപം പുലിയെത്തി. ഇന്നലെ രാത്രി 10.40നാണ് പുലിയെത്തിയത്. വനം വകുപ്പ് സ്ഥാപിച്ച ക്യാമറയിൽ പുലിയുടെ ദൃശ്യങ്ങൾ പതിഞ്ഞിട്ടുണ്ട്. പുലിയെ പിടികൂടാൻ ശ്രമം തുടരുമെന്ന് വനം വകുപ്പ് അറിയിച്ചു. ഇവിടെ കഴിഞ്ഞ ദിവസം ഒരു പശുവിനെ പുലി കൊന്നിരുന്നു. ഇതോടെ നാട്ടുകാർ ഒന്നടങ്കം ഭീതിയിലാണ്.
അതേസമയം അകത്തേത്തറ പഞ്ചായത്തിൽ ഒരു മാസത്തിനിടെ 16 ഇടങ്ങളിൽ പുലിയുടെ സാന്നിധ്യം സ്ഥിരീകരിച്ചിട്ടും വനംവകുപ്പ് വേണ്ട നടപടികൾ എടുക്കുന്നില്ലെന്നാണ് പ്രദേശവാസികളുടെ ആരോപണം. പഞ്ചായത്തിലെ നിരവധി വളർത്തു മൃഗങ്ങൾ ചുരുങ്ങിയ സമയത്തിനിടയിൽ പുലിയുടെ ആക്രമണത്തിന് ഇരയായതോടെ നാട്ടുകാർ പ്രതിഷേധത്തിലാണ്.
Read Also: യുപി തിരഞ്ഞെടുപ്പ്; കൂടുതൽ റാലികളിൽ പ്രധാനമന്ത്രിയെ പങ്കെടുപ്പിക്കും