പാലക്കാട്: ഗെയിൽ പൈപ്പ്ലൈനിന്റെ ജില്ലയിലെ ആദ്യ സ്റ്റേഷൻ കഞ്ചിക്കോട് കനാൽപിരിവിൽ പൂർത്തിയായി. ഫെബ്രുവരിയിൽ ഇത് കമ്മീഷൻ ചെയ്യും. ദി പെട്രോളിയം ആൻഡ് എക്സ്പ്ളോസീവ്സ് സേഫ്റ്റി ഓർഗനൈസേഷനാണ് (പെസോ) കമ്മീഷൻ ചെയ്യാനുള്ള അനുമതി നൽകേണ്ടത്. ഇത് ഉടൻ ലഭിക്കുമെന്നാണ് അറിയിച്ചിട്ടുള്ളത്. കഞ്ചിക്കോട് വ്യവസായ മേഖലയിലേക്ക് ഗ്യാസ് നൽകാൻ സ്റ്റേഷനിൽ നിന്ന് പൈപ്പിട്ട് തുടങ്ങി.
മാർച്ചിൽ തന്നെ വ്യവസായ മേഖലയിലേക്ക് ഇതുവഴി ഗ്യാസ് എത്തും. തുടർന്ന് വീടുകളിലേക്ക് പൈപ്പിൽ എത്തിക്കും. ആദ്യഘട്ടത്തിൽ എലപ്പുള്ളി, പുതുപ്പരിയാരം പഞ്ചായത്തുകളിലെ വീടുകളിലേക്കാണ് കണക്ഷൻ നൽകുക. മാർച്ചിൽ രണ്ട് പഞ്ചായത്തുകളിലെയും വീടുകളിലേക്ക് പൈപ്പിടും. മെയ് മാസത്തിൽ വീടുകളിൽ ഗ്യാസ് എത്തിക്കാനാണ് കരാർ എടുത്തിട്ടുള്ള ഇന്ത്യൻ ഓയിൽ അദാനി ഗ്യാസ് ഗ്രൂപ്പിന്റെ ശ്രമം.
Read Also: കുതിരാനിലെ ടോൾ പിരിവ്; ദേശീയപാത അതോറിറ്റിയുടെ വാദങ്ങൾ പൊളിയുന്നു