തിരുവനന്തപുരം: സംസ്ഥാനത്ത് പണിമുടക്ക് നടത്താൻ തീരുമാനിച്ച് ഓട്ടോ-ടാക്സി തൊഴിലാളികൾ. ഡിസംബർ 30ആം തീയതിയാണ് പണിമുടക്ക് നടത്താൻ തീരുമാനിച്ചിരിക്കുന്നത്. ഇന്ധനവിലയും മറ്റും വർധിക്കുന്ന സാഹചര്യത്തിലാണ് പണിമുടക്ക് നടത്താൻ തൊഴിലാളികൾ തീരുമാനിച്ചത്.
ഇന്ധന വിലക്കൊപ്പം മറ്റ് അനുബന്ധ ചിലവുകളും കൂടിയതിനാൽ ആനുപാതികമായി ഓട്ടോ-ടാക്സി നിരക്ക് പുതുക്കി നിശ്ചയിക്കണമെന്ന ആവശ്യമുയർത്തിയാണ് തൊഴിലാളികൾ പണിമുടക്കിന് ഒരുങ്ങുന്നത്. സംസ്ഥാനത്തെ മുഴുവൻ ഓട്ടോ-ടാക്സി തൊഴിലാളികളും പണിമുടക്കിൽ പങ്കെടുക്കുമെന്ന് ഓട്ടോ-ടാക്സി ലൈറ്റ് മോട്ടോർ വർക്കേഴ്സ് യൂണിയൻ വ്യക്തമാക്കി.
Read also: ഡിജെ പാർട്ടികൾക്ക് നിയന്ത്രണം; കർശന നിലപാടുമായി പോലീസ്