കൊച്ചി: വയലിനിസ്റ്റ് ബാലഭാസ്‌കറിന്റെ മരണവുമായി ബന്ധപ്പെട്ട കേസ് അന്വേഷണത്തിന്റെ ഭാഗമായി സി.ബി.ഐ ഇന്ന് നുണ പരിശോധന നടത്തും. ബാലഭാസ്‌കറിന്റെ ഡ്രൈവര്‍ അര്‍ജുന്‍, മാനേജരായിരുന്ന പ്രകാശ് തമ്പി എന്നിവരെയാണ് ഇന്ന് നുണ പരിശോധനക്കു വിധേയരാക്കുക.
ഇവരെ സി.ബി.ഐയുടെ കൊച്ചി ഓഫീസിലേക്ക് വിളിപ്പിച്ചിട്ടുണ്ട്. ചെന്നൈ, ഡല്‍ഹി എന്നിവിടങ്ങളില്‍ നിന്നുള്ള ഫോറന്‍സിക് ലാബുകളില്‍ നിന്നുള്ള വിദഗ്ധര്‍ നുണ പരിശോധനക്കായി കൊച്ചിയില്‍ എത്തിയിട്ടുണ്ട്. ബാലഭാസ്‌കറിന്റേത് അപകട മരണമാണെന്ന് ആയിരുന്നു ക്രൈം ബ്രാഞ്ചിന്റെ കണ്ടെത്തല്‍. എന്നാല്‍, ബാലഭാസ്‌കറിന്റെ കുടുംബം ഇത് തള്ളികളഞ്ഞു. കൊലപാതകമാണെന്ന ആരോപണത്തില്‍ കുടുംബം ഉറച്ചു നില്‍ക്കുകയാണ്.
Also Read: ശബരിമല; മണ്ഡലകാല പൂജക്കുള്ള ഒരുക്കങ്ങള്‍ ആരംഭിച്ചു
