ബംഗളൂര്: ഐഎസ്എല്ലില് ബംഗളൂര് എഫ്സിയുടെ യുവതാരം അജയ് ഛേത്രിയെ സ്വന്തമാക്കി ഈസ്റ്റ് ബംഗാള് എഫ്സി. അവസാന അഞ്ച് വര്ഷങ്ങളായി ബംഗളൂര് എഫ്സിക്കൊപ്പം ഉണ്ടായിരുന്ന ഈ മധ്യനിര താരത്തെ ലോണ് അടിസ്ഥാനത്തില് ആണ് ഈസ്റ്റ് ബംഗാള് ടീമില് എത്തിച്ചിരിക്കുന്നത്.
ബംഗളൂരുവിന്റെ യുവ ടീമുകള്ക്ക് വേണ്ടി നേരത്തെ കളിച്ചിട്ടുള്ള താരമാണ് അജയ് ഛേത്രി. ബംഗളൂര് റിസേര്വ്സിനൊപ്പം ബംഗളൂര് സൂപ്പര് ഡിവിഷന് കിരീടം സ്വന്തമാക്കിയ താരം നേരത്തെ ഹൈദരബാദിലും ലോണില് കളിച്ചിരുന്നു.
കഴിഞ്ഞ സീസണില് ബംഗളൂര് സീനിയര് സ്ക്വാഡില് ഇടം പിടിച്ച താരം ഐഎസ്എല്ലില് ചെന്നൈയിനെതിരെയാണ് തന്റെ അരങ്ങേറ്റവും നടത്തിയത്. ഈസ്റ്റ് ബംഗാള് നിരയില് മികച്ച പ്രകടനം താരത്തിന് കാഴ്ചവെക്കാനാകും എന്നാണ് ആരാധകരുടെ പ്രതീക്ഷ.
Read Also: സ്ത്രീ സംരക്ഷണത്തിന് 20 കോടിയുടെ പദ്ധതി; ധനമന്ത്രി