തിരുവനന്തപുരം: ചീഫ് വൈല്‍ഡ് ലൈഫ് വാര്‍ഡന്‍ ബെന്നിച്ചന്‍ തോമസ് വനംവകുപ്പിന്റെ പുതിയ മേധാവിയാകും. ഇന്ന് ചേർന്ന മന്ത്രിസഭാ യോഗത്തിലാണ് തീരുമാനം. കഴിഞ്ഞ ദിവസം ചീഫ് സെക്രട്ടറിയുടെ അധ്യക്ഷതയില്‍ ചേര്‍ന്ന ഉന്നതതല യോഗം ബെന്നിച്ചനെ വനം മേധാവി സ്‌ഥാനത്തേക്കു ശുപാര്‍ശ ചെയ്‌ത്‌ ഫയല്‍ മുഖ്യമന്ത്രിക്ക് കൈമാറിയിരുന്നു. നിലവിലെ വനംവകുപ്പ് മേധാവി പികെ കേശവന്‍ ഈ മാസം 31ന് വിരമിക്കും.
മുല്ലപ്പെരിയാര്‍ മരംമുറിക്കേസില്‍ നടപടി നേരിട്ട ഉദ്യോഗസ്‌ഥനാണ് ബെന്നിച്ചൻ തോമസ്. ബേബി ഡാമിന് സമീപമുള്ള 15 മരങ്ങൾ മുറിക്കാൻ അനുമതി നൽകിയതിനെത്തുടർന്നായിരുന്നു നടപടി. പിന്നീട് സർ‌വീസിൽ തിരിച്ചെടുത്തശേഷം വകുപ്പുതല നടപടികൾ സർക്കാർ അവസാനിപ്പിച്ചു.
Most Read: വിദ്വേഷ പ്രസംഗം; പിസി ജോർജിന് നോട്ടീസ് അയച്ച് പോലീസ്
