ബെംഗളൂരു: ലഹരിമരുന്ന് കേസിലെ പ്രതിയുമായുള്ള സാമ്പത്തിക ഇടപാട് കേസില് അറസ്റ്റിലായ ബിനീഷ് കോടിയേരിയെ എൻഫോഴ്സമെന്റ് ഡയറക്ടറേറ്റ് ഇന്ന് കോടതിയില് ഹാജരാക്കും. തുടര്ച്ചയായ പതിനൊന്ന് ദിവസത്തെ ചോദ്യം ചെയ്യലിന് ശേഷമാണ് ഇഡിയുടെ നടപടി. ഇന്ന് കസ്റ്റഡി കാലാവധി അവസാനിക്കും. ഉച്ചയോടെ ബെംഗളൂരുവിലെ സെഷന്സ് കോടതിയിലാണ് ബിനീഷിനെ ഹാജരാക്കുക.
ബിനീഷിനെ കസ്റ്റഡിയില് വിട്ട് നല്കണമെന്ന് ആവശ്യപ്പെട്ട് നര്ക്കോട്ടിക്സ് കണ്ട്രോള് ബ്യുറോ (എന്ബിസി) ഇന്ന് കോടതിയില് അപേക്ഷ സമര്പ്പിക്കും. കഴിഞ്ഞ തവണ നല്കിയ അപേക്ഷ ഇഡി കസ്റ്റഡി നീട്ടിയതിനെ തുടര്ന്ന് എന്സിബി പിന്വലിക്കുക ആയിരുന്നു.
ബിനീഷിന്റെ ജാമ്യാപേക്ഷയും ഇന്ന് കോടതി പരിഗണിക്കും. എന്നാല് ഇതിനെ എതിര്ത്തുകൊണ്ട് കൂടുതല് തെളിവുകള് ഹാജരാക്കാനാണ് ഇഡിയുടെ ശ്രമം. കസ്റ്റഡിയില് കഴിയവെ ബിനീഷ് ഫോണ് അടക്കമുള്ള സൗകര്യങ്ങള് ഉപയോഗിച്ചതും അവര് കോടതിയില് ചൂണ്ടിക്കാണിക്കും.
Read Also: കെഎം ഷാജിയെ ചോദ്യം ചെയ്തത് 14 മണിക്കൂര്; ഇന്നും തുടരും