ബംഗളുരു: കോൺഗ്രസ് നേതാവ് രാഹുൽ ഗാന്ധി മയക്കുമരുന്ന് കച്ചവടക്കാരനാണെന്ന് ബിജെപി. ഉപതിരഞ്ഞെടുപ്പ് പ്രചാരണ പരിപാടിക്കിടെ കർണാടക ബിജെപി അധ്യക്ഷൻ നളിൻ കുമാർ കട്ടീലാണ് പ്രസ്‌താവന നടത്തിയത്. ഇതിനെതിരെ കോൺഗ്രസ് പ്രതിഷേധവുമായി രംഗത്തെത്തി.
മയക്കുമരുന്നിന് അടിമയായ വ്യക്‌തിയാണ്‌ രാഹുൽ ഗാന്ധിയെന്നും മയക്കമുമരുന്ന് ഇടപാടുകാരുമായി അടുത്ത ബന്ധമുള്ളയാളാണെന്നും കട്ടീൽ പറഞ്ഞു. ഇക്കാര്യത്തിൽ തന്റെ പക്കൽ തെളിവുകളുണ്ടെന്നും കട്ടീൽ കൂട്ടിച്ചേർത്തു. അതേസമയം, നളിന്‍ കുമാര്‍ നടത്തിയ പരാമര്‍ശത്തില്‍ ബിജെപി മാപ്പുപറയണമെന്ന് കര്‍ണാടക കോണ്‍ഗ്രസ് അധ്യക്ഷന്‍ ഡികെ ശിവകുമാര്‍ ആവശ്യപ്പെട്ടു. നുണ പ്രചാരണം നടത്തി വാർത്ത സൃഷ്ടിക്കുകയാണ് ബിജെപിയെന്ന് ശിവകുമാർ കൂട്ടിച്ചേർത്തു.
Read also: ജമ്മു കശ്‌മീരിൽ വീണ്ടും ഏറ്റുമുട്ടൽ; സൈന്യം തിരച്ചിൽ തുടരുന്നു
