ലഖ്‌നൗ: കോവിഡ് രോഗബാധയില്‍ നിന്ന് രക്ഷപെടാന്‍ എല്ലാവരും ഗോമൂത്രം കുടിക്കണമെന്ന നിര്‍ദേശവുമായി യുപി ഭൈരയിലെ ബിജെപി എംഎല്‍എ സുരേന്ദ്ര സിങ്. പലരുടെയും ആരോഗ്യ രഹസ്യം ഗോമൂത്രമാണ്. രാവിലെ വെറും വയറ്റിലാണ് കുടിക്കേണ്ടത്. അതിന് ശേഷം അരമണിക്കൂര്‍ നേരത്തേക്ക് മറ്റ് ഭക്ഷണ പദാര്‍ഥങ്ങളൊന്നും കഴിക്കരുത്. ഗോമൂത്രത്തിന് രോഗം മാറ്റാനുള്ള കഴിവുണ്ടെന്ന് താൻ വിശ്വസിക്കുന്നുവെന്നും സുരേന്ദ്ര സിങ് പറഞ്ഞു. ഗോമൂത്രം കുടിക്കുന്നന്നതിന്റെ വീഡിയോയും എംഎല്‍എ പങ്കുവെച്ചു. കോവിഡിന് മാത്രമല്ല ഹൃദയ സംബന്ധമായ രോഗങ്ങള്‍ക്കും ഗോമൂത്രം ഔഷധമാണ് എന്നാണ് ശാസ്‍ത്രീയമായ ഒരു തെളിവും മുന്നോട്ട് വെക്കാതെയുള്ള എംഎൽഎയുടെ അവകാശവാദം.
Read also: ‘ഉത്തരവാദിത്വമുള്ള ഭരണം’; മുഖ്യമന്ത്രിയെ പ്രശംസിച്ച് പ്രകാശ്‌ രാജ്
