ലഖ്നൗ: യുപിയിൽ കോവിഡ് വ്യാപനം നിയന്ത്രണ വിധേയമെന്ന് മുഖ്യമന്ത്രി യോഗി ആദിത്യനാഥ്. കോവിഡ് പരിശോധനയുടെയും ഫലത്തിന്റെയും മരണത്തിന്റെയും കണക്കുകൾ സർക്കാറിന്റെ കോവിഡ് പോർട്ടൽ വെബ്സൈറ്റിലുണ്ട്. ഇവിടെ ഒളിച്ചുവെക്കാൻ ഒന്നുമില്ല. എല്ലാം വ്യക്തമാണ്; ആദിത്യനാഥ് പറഞ്ഞു.
ഉത്തർപ്രദേശിലെ ജനസംഖ്യ പ്രകാരം കോവിഡ് രണ്ടാം തരംഗം നിയന്ത്രണ വിധേയമാകുമോ എന്ന ആശങ്ക സർക്കാരിന് ഉണ്ടായിരുന്നു. എന്നാൽ അത്തരത്തിൽ സംഭവിച്ചില്ലെന്നും കോവിഡിന്റെ മൂന്നാം തരംഗം നേരിടാനും യുപി തയ്യാറാണെന്നും യോഗി മാദ്ധ്യമങ്ങളോട് പറഞ്ഞു.
അതേസമയം, ഉത്തര്പ്രദേശിലെ പ്രയാഗ് രാജ്, ഗാസിപൂര് എന്നിവിടങ്ങിലെ ഗംഗാ തീരത്ത് നിന്നും ദിനംപ്രതി കണ്ടെത്തുന്ന മൃതദേഹങ്ങളുടെ എണ്ണം കൂടി വരുകയാണ്. കഴിഞ്ഞ ദിവസങ്ങളിൽ രണ്ടായിരത്തോളം മൃതദേഹങ്ങൾ ഗംഗാ തീരത്ത് അടിഞ്ഞ നിലയില് കണ്ടെത്തിയിരുന്നു. കൂടാതെ പ്രയാഗ് രാജില് നൂറിലേറെ മൃതദേഹങ്ങള് കുഴിച്ചു മൂടിയതായും കണ്ടെത്തിയിരുന്നു.
Read also: യുപിയിൽ ഗംഗാതീരത്ത് മൃതദേഹങ്ങള് കുഴിച്ചു മൂടിയ നിലയിൽ