കല്‍പ്പറ്റ: കോവിഡ് കാലത്ത് ജില്ലയില്‍ മികച്ച രീതിയില്‍ രക്‌തദാനം നടത്തിയ സംഘടനക്കുള്ള പുരസ്‌കാരം ഡിവൈഎഫ്‌ഐക്ക്. ദേശീയ സന്നദ്ധ രക്‌തദാന ദിനത്തിന്റെ ഭാഗമായി മാനന്തവാടി ജില്ലാ ആശുപത്രി ബ്ലഡ് ബാങ്ക് അധികൃതരില്‍ നിന്നും ഡിവൈഎഫ്‌ഐ പ്രവര്‍ത്തകര്‍ പുരസ്‌കാരം ഏറ്റുവാങ്ങി. സംഘടനക്ക് വേണ്ടി ജില്ലാ സെക്രട്ടറി കെ. റഫീഖ്, ജില്ലാ ജോയിന്റ് സെക്രട്ടറി ജിതിന്‍ കെ.ആര്‍. എന്നിവരാണ് പുരസ്‌കാരം ഏറ്റുവാങ്ങിയത്.
കോവിഡ് 19ന്റെ സാഹചര്യത്തില്‍ ജില്ലാ ആശുപത്രിയില്‍ രക്‌തക്ഷാമം ഉണ്ടാകാതിരിക്കാന്‍ കരുതലോടെയാണ് ഡിവൈഎഫ്‌ഐ ഇടപെട്ടത്. ജില്ലാ ആശുപത്രി ബ്ലഡ് ബാങ്കിന്റെ സഹകരണത്തോടെ കോവിഡ് പശ്ചാത്തലത്തിലും ഡിവൈഎഫ്‌ഐ പ്രവര്‍ത്തകര്‍ രക്‌തദാന ക്യാമ്പുകള്‍ സംഘടിപ്പിച്ചിരുന്നു. നിരവധി യുവാക്കളാണ് ക്യാമ്പുകളില്‍ പങ്കെടുത്ത് രക്‌തദാനം നടത്തിയത്.
Read also: സംസ്‌ഥാനത്തെ ആദ്യ മെഗാ ഫുഡ് പാര്‍ക്ക് കഞ്ചിക്കോട് പ്രവര്‍ത്തനം ആരംഭിച്ചു
