കോട്ടയം: കേരള-തമിഴ്നാട് അതിർത്തിയിൽ ബസ് മറിഞ്ഞ് ഒരു മരണം. ഇരുപത് പേർക്ക് പരിക്കേൽക്കുകയും ചെയ്‌തിട്ടുണ്ട്‌. കുമളിക്കടുത്ത് കൂടല്ലൂരിൽ വച്ചാണ് ബസ് മറിഞ്ഞ് അപകടം ഉണ്ടായത്. ഗൂഡല്ലൂർ സ്വദേശി കൃഷ്‌ണമൂർത്തിയാണ് അപകടത്തിൽ മരിച്ചത്.
അപകടത്തിൽ പരിക്കേറ്റ ആളുകളിൽ 5 പേരെ തേനി മെഡിക്കൽ കോളജിലും ബാക്കിയുള്ളവരെ കമ്പം, കൂടല്ലൂർ എന്നിവിടങ്ങളിലെ സർക്കാർ ആശുപത്രികളിലും പ്രവേശിപ്പിച്ചു. ഇവരിൽ രണ്ട് പേരുടെ നില ഗുരുതരമാണ്.
കോയമ്പത്തൂരിൽ നിന്നും കുമളിയിലേക്കു വന്ന തമിഴ്നാട് സ്‌റ്റേറ്റ് ട്രാൻസ്‌പോർട്ട് കോർപ്പറേഷൻ ബസാണ് അപകടത്തിൽ പെട്ടത്. ഇന്ന് പുലർച്ചെ 5 മണിയോടെ ആയിരുന്നു അപകടം.
Read also: വിമാനത്തിനുള്ളിലെ പ്രതിഷേധം; പ്രതികൾ ഹെക്കോടതിയിൽ ജാമ്യഹരജി നൽകി
