ഗുവാഹത്തി: പൗരത്വ ഭേദഗതി നിയമം ഒരിക്കലും ഇന്ത്യയിലെ മുസ്ലിം സമുദായത്തിന് എതിരല്ലെന്ന് ആര്എസ്എസ് മേധാവി മോഹന് ഭാഗവത്. എന്ആര്സി, സിഎഎ എന്നീ നിയമങ്ങള് നടപ്പിലാക്കുന്നത് കൊണ്ട് രാജ്യത്തെ മുസ്ലീങ്ങള്ക്ക് ഒരു ദോഷവും വരില്ലെന്നും മോഹൻ ഭഗവത് അവകാശപ്പെട്ടു.
“പൗരത്വം നിയമം കൊണ്ട് ഇന്ത്യയിലെ മുസ്ലീങ്ങള്ക്ക് ഒരു പോറലുമേല്ക്കില്ല. ചിലയാളുകള് ഇതിനെ മുസ്ലീം- ഹിന്ദു പ്രശ്നമാക്കി ചിത്രീകരിക്കുകയാണ്”- മോഹന് ഭാഗവത് പറഞ്ഞു. പൗരത്വ നിയമം വിവാദമാക്കുന്നതിന് പിന്നിൽ ചിലരുടെ രാഷ്ട്രീയ താല്പര്യങ്ങളാണെന്നും ആർഎസ്എസ് മേധാവി ആരോപിച്ചു. അസമില് നാനി ഗോപാല് മഹന്തയുടെ പുസ്തകം പ്രകാശനം ചെയ്ത് സംസാരിക്കുകയായിരുന്നു മോഹന് ഭാഗവത്.
Read also: ന്യൂനമർദ്ദത്തിന് സാധ്യത; സംസ്ഥാനത്ത് ശക്തമായ മഴ തുടരും