ലഖ്‌നൗ: ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്റെ പിതാവിനെ ആക്ഷേപിച്ചെന്ന കാരണം ചൂണ്ടിക്കാട്ടി രണ്ടുപേര്‍ക്കെതിരെ പോലീസ് കേസെടുത്തു. സമാജ്‌വാദി പാര്‍ട്ടി എംഎല്‍സി രാജ്‌പാൽ കശ്യപ്, പിലിഭിത് ജില്ലാ യൂണിറ്റ് പ്രസിഡണ്ട് യൂസഫ് കദ്രി എന്നിവര്‍ക്ക് എതിരെയാണ് കേസ്. ബിജെപി നേതാവ് മഹാദേവിന്റെ പരാതിയിലാണ് കേസെടുത്തത്.
കേസില്‍ അന്വേഷണം ആരംഭിച്ചതായി പിലിഭിത് പോലീസ് സൂപ്രണ്ട് ദിനേശ് കുമാര്‍ പറഞ്ഞു. ബുധനാഴ്‌ച പിലിഭിത്തില്‍ നടന്ന പിന്നാക്ക വിഭാഗ സമ്മേളനത്തില്‍ സംസാരിക്കവേയാണ് കശ്യപ് യോഗിയുടെ പിതാവിനെതിരെ പരാമര്‍ശങ്ങള്‍ നടത്തിയത്. പിന്നാക്ക വിഭാഗ സമ്മേളനത്തില്‍ പങ്കെടുത്ത ആളുകളുടെ പേരില്‍ കോവിഡ് പ്രോട്ടോക്കോള്‍ ലംഘിച്ചതിനും കേസെടുത്തിട്ടുണ്ട്.
Read also: വർഗീയ പ്രചാരണം; നമോ ചാനലിനും അവതാരികയ്‌ക്കും എതിരെ കേസ്
