കോഴിക്കോട്: കോവിഡ് സ്ഥിരീകരിച്ച മൂന്ന് ഇതര സംസ്ഥാന തൊഴിലാളികളെക്കൊണ്ട് ജോലിയെടുപ്പിച്ച സ്ഥാപന ഉടമക്കെതിരെ കേസെടുത്ത് പോലീസ്. പൂനൂർ 19ൽ പഴയേടത്ത് ഗാർഡൻ ആൻഡ് കാർഷിക നഴ്സറി ഉടമക്കെതിരെയാണ് നടപടി.
കോവിഡ് സ്ഥിരീകരിച്ചതിന് പിന്നാലെ മൂന്ന് തൊഴിലാളികളോടും സ്ഥാപനത്തിൽ ജോലി ചെയ്യുന്ന മറ്റ് രണ്ട് തൊഴിലാളികളോടും നിരീക്ഷണത്തിൽ കഴിയാൻ ആരോഗ്യവകുപ്പ് നിർദ്ദേശം നൽകിയിരുന്നു. എന്നാൽ ഈ നിർദ്ദേശം മറികടന്ന് ഉടമ ഇവരെക്കൊണ്ട് തൊഴിൽ എടുപ്പിക്കുകയായിരുന്നു.
കേസെടുത്തതിന് പുറമെ സ്ഥാപന ഉടമയുടെ കുടുംബാംഗങ്ങൾ ഉൾപ്പടെ മുഴുവൻ പേരോടും 17 ദിവസത്തേക്ക് നിരീക്ഷണത്തിൽ കഴിയാൻ അധികൃതർ അറിയിച്ചിട്ടുണ്ട്. അതേസമയം തൊഴിലാളികളെ ബാലുശ്ശേരി പോലീസും ആരോഗ്യവകുപ്പ് അധികൃതരും സുരക്ഷിത സ്ഥലത്തേക്ക് മാറ്റിപ്പാർപ്പിച്ചു.
Malabar News: ജനറേറ്ററും സംഭരണിയും സജ്ജം; ഓക്സിജന് സ്വയംപര്യാപ്തത കൈവരിക്കാൻ കണ്ണൂർ