ന്യൂഡെൽഹി: രാജ്യത്ത് കോവിഡ് വ്യാപനം ദിനംപ്രതി കൂടി വരുന്ന സാഹചര്യത്തിൽ സിബിഎസ്ഇ പത്താം ക്ളാസ് പരീക്ഷ റദ്ദാക്കി. പ്ളസ് ടു പരീക്ഷ മാറ്റിവച്ചു. പ്രധാനമന്ത്രിയുടെ അധ്യക്ഷതയിൽ ചേർന്ന യോഗത്തിലാണ് തീരുമാനം. ജൂൺ ഒന്നിനു ചേരുന്ന അടുത്ത ബോർഡ് യോഗത്തിൽ പരീക്ഷ നടത്തിപ്പുമായി ബന്ധപ്പെട്ട് അവസാന തീരുമാനമെടുക്കും. മെയ് നാലിനാണ് സിബിഎസ്ഇ 10, 12 ക്ളാസുകളിലെ പരീക്ഷകൾ ആരംഭിക്കാൻ തീരുമാനിച്ചിരുന്നത്.
ഇതുവരെയുള്ള സ്‌കോർ കണക്കാക്കിയാവും പത്താം ക്‌ളാസിന്റെ ഫലപ്രഖ്യാപനം. സ്‌കോർ മെച്ചപ്പെടുത്താൻ ആഗ്രഹമുള്ളവർക്ക് എഴുത്തു പരീക്ഷ നേരിടാം. പരീക്ഷ മാറ്റണമെന്ന് ആവശ്യപ്പെട്ട് രാഹുൽ ഗാന്ധിയും പ്രിയങ്കയുമടക്കം നിരവധി പ്രമുഖർ രംഗത്ത് വന്നിരുന്നു.
Read also: കർഷകർക്ക് ഐക്യദാർഢ്യം; ഏപ്രിൽ 21ന് ഡെൽഹിയിലേക്ക് മാർച്ച്
