ഡെൽഹി: പത്ത്, പ്ളസ് ടു ക്ളാസുകളിലേക്കുള്ള ഒന്നാം ടേം പരീക്ഷയുടെ മാര്‍ഗരേഖ സിബിഎസ്ഇ പുറത്തിറക്കി. പരീക്ഷ ഓഫ്‌ലൈനായി നടപ്പാക്കുന്നതിനുള്ള മാര്‍ഗരേഖയാണ് പുറത്തിറക്കിയത്. തന്നിരിക്കുന്ന ഉത്തരങ്ങളില്‍ നിന്നു ശരിയുത്തരം കണ്ടെത്തുന്ന തരത്തില്‍ ഒഎംആർ പരീക്ഷയാണ് നടക്കുക.
കോവിഡ് പശ്‌ചാത്തലത്തില്‍ പരീക്ഷകള്‍ ഓണ്‍ലൈനായി എഴുതാന്‍ അനുവദിക്കണമെന്ന് ആവശ്യമുയര്‍ന്നിരുന്നു. എന്നാല്‍ ഓഫ്‌ലൈനായി തന്നെ പരീക്ഷ നടത്താനാണ് തീരുമാനം. പത്താം ക്ളാസിലെ ഒന്‍പത് വിഷയങ്ങളിലും പ്ളസ് ടുവിലെ 19 വിഷയങ്ങളിലുമാണ് ഓഫ്‌ലൈന്‍ പരീക്ഷ നടക്കുക.
നവംബര്‍ 16 മുതല്‍ പ്ളസ് ടു പരീക്ഷയും 17 മുതല്‍ പത്താം ക്ളാസ് പരീക്ഷയും ആരംഭിക്കും. ഒഎംആർ ഷീറ്റുകൾ സ്‌കൂളുകൾ പ്രിന്റ് എടുത്തു നൽകണം. ഇതിൽ വിദ്യാർഥികളുടെ പേരും വിഷയവും തീയതിയും രേഖപ്പെടുത്തിയിരിക്കുമെന്ന് മാർഗ നിർദേശത്തിൽ പറയുന്നു.
Also Read: അഖിലേഷ് യാദവിനെ നുണ പരിശോധനക്ക് വിധേയനാക്കണം; യുപി മന്ത്രി
