ന്യൂഡെൽഹി: ഒടിടി പ്ളാറ്റ്ഫോമുകളെ നിയന്ത്രിക്കാനുള്ള മാർഗരേഖ പുറത്തിറക്കി കേന്ദ്രസർക്കാർ. കേന്ദ്രമന്ത്രിമാരായ പ്രകാശ് ജാവ്ദേക്കർ, രവിശങ്കർ പ്രസാദ് എന്നിവർ ചേർന്നാണ് മാർഗരേഖ പുറത്തിറക്കിയത്. ഒടിടി പ്ളാറ്റ്ഫോമുകളെ നിരീക്ഷിക്കാൻ ത്രിതല സംവിധാനവും കേന്ദ്രസർക്കാർ പ്രഖ്യാപിച്ചു.
ഒടിടി പ്ളാറ്റ്ഫോമുകൾക്ക് പുറമേ സമൂഹ മാദ്ധ്യമങ്ങൾക്ക് നിയന്ത്രണം ഏർപ്പെടുത്തുന്നതിനുള്ള മാർഗരേഖയും കേന്ദ്രസർക്കാർ പുറത്തിറക്കി. നിയമ വിരുദ്ധമായ പ്രവർത്തനങ്ങൾക്കായി സമൂഹ മാദ്ധ്യമങ്ങളെ ഉപയോഗിക്കുന്നത് വിലക്കിയ മാർഗരേഖയിൽ പ്രകോപനപരമായ പോസ്റ്റുകൾ 24 മണിക്കൂറിനുള്ളിൽ നീക്കം ചെയ്യണമെന്നും പറയുന്നു.
കൂടാതെ ഒടിടി പ്ളാറ്റ്ഫോമുകളുടെ ഉള്ളടക്കത്തിന് യു/എ സർട്ടിഫിക്കറ്റുകൾ നിർബന്ധമാക്കിയതായും മന്ത്രിമാർ അറിയിച്ചു.
Read Also: കർഷകസമരം; അവസാനിപ്പിക്കാൻ നീക്കങ്ങളുമായി കേന്ദ്രം, ചർച്ചക്ക് തയ്യാറാണെന്ന് കൃഷിമന്ത്രി