വൈത്തിരി: 240 രൂപ വരെ ഉയർന്ന കോഴിയിറച്ചി വില കുറയുന്നു. ഇന്നലെ ജില്ലയിൽ പലയിടത്തും 120 മുതൽ 130 വരെയാണ് കോഴിയിറച്ചിയുടെ വില. തമിഴ്നാട്ടിൽ നിന്നും ഇപ്പോൾ ആവശ്യത്തിന് കോഴികൾ എത്തുന്നുണ്ടെന്ന് കോഴിക്കട ഉടമകൾ പറഞ്ഞു. ഈസ്‌റ്ററിനും വിഷുവിനുമാണ് കോഴിവില ക്രമാതീതമായി ഉയർന്നത്.
തമിഴ്നാട്ടിൽ നിന്ന് കോഴി വരുന്നത് നിലച്ചതിനെ തുടർന്ന് ജില്ലയിലെയും സംസ്‌ഥാനത്തിന്റെ ഇതരഭാഗങ്ങളിലുള്ളതുമായ ഫാമുകൾ വില വർധിപ്പിച്ചുവെന്ന ആരോപണവും ഉണ്ടായിരുന്നു. അതേസമയം, വില കുറഞ്ഞതോടെ കോഴിയിറച്ചിക്ക് ആവശ്യക്കാരും വർധിച്ചിട്ടുണ്ട്.
Read also: ഓക്‌സിജൻ ലഭിച്ചില്ല; തമിഴ്നാട്ടിൽ 11 പേര്‍ക്ക് ദാരുണാന്ത്യം
