തിരുവനന്തപുരം : സംസ്‌ഥാനത്തെ കോവിഡ് പ്രതിരോധ പ്രവര്‍ത്തനങ്ങളില്‍ കേരള പോലീസിന്റെ പങ്കിനെ കുറിച്ച് സംസാരിച്ച് മുഖ്യമന്ത്രി പിണറായി വിജയൻ. കേരള പോലീസിന്റെ കോവിഡ് പ്രതിരോധ പ്രവര്‍ത്തനങ്ങള്‍ മഹത്തരമായ സേവനങ്ങള്‍ ആണെന്ന് മുഖ്യമന്ത്രി വ്യക്‌തമാക്കി. തിരുവനന്തപുരത്തെ പോലീസ് ആസ്‌ഥാനത്ത് പുതുതായി നിര്‍മ്മിച്ച ആധുനിക പരിശീലന കേന്ദ്രത്തിന്റെയും പുതിയ പോലീസ് കെട്ടിടങ്ങളുടെയും ഉല്‍ഘാടനം നിര്‍വഹിക്കുമ്പോഴാണ് അദ്ദേഹം ഇക്കാര്യം വ്യക്‌തമാക്കിയത്.
സംസ്‌ഥാനത്ത് ഉണ്ടായ അപകട ഘട്ടത്തില്‍ പൊലീസിന് ജനങ്ങളോട് ചേര്‍ന്ന് പ്രവര്‍ത്തിക്കാന്‍ സാധിച്ചു. അതിലൂടെ മഹത്തരമായ പ്രവര്‍ത്തനങ്ങളാണ് സംസ്‌ഥാനത്ത് പോലീസ് നിര്‍വഹിച്ചത്. തുടര്‍ന്നുള്ള പ്രവര്‍ത്തനങ്ങളിലും ഇതേ യശസ് ഉയര്‍ത്തി പിടിക്കണമെന്നും ഇതേ രീതിയില്‍ മികച്ച സേവനം കാഴ്‌ച വെക്കണമെന്നും മുഖ്യമന്ത്രി പറഞ്ഞു.
Read also : സംസ്‌ഥാനത്ത് പ്രവേശിക്കാന്‍ കോവിഡ് നെഗറ്റീവ് സര്‍ട്ടിഫിക്കറ്റ് നിര്‍ബന്ധം; മന്ത്രി
