കണ്ണൂർ: മാതമംഗലത്ത് സ്വത്ത് കൈക്കലാക്കാൻ മക്കൾ വൃദ്ധമാതാവിനോട് കാണിച്ച ക്രൂരതയിൽ റിപ്പോർട് തേടി ഉന്നതവിദ്യാഭ്യാസ- സാമൂഹ്യനീതി വകുപ്പ് മന്ത്രി ഡോ. ആർ ബിന്ദു. സംഭവത്തിൽ അടിയന്തര നടപടി സ്വീകരിക്കാൻ സാമൂഹ്യനീതിവകുപ്പ് ഡയറക്‌ടർക്ക് മന്ത്രി നിർദ്ദേശം നൽകി.
മീനാക്ഷിയമ്മ എന്ന വയോധികയെ സ്വത്ത് കൈക്കലാക്കാൻ മക്കള്‍ മര്‍ദ്ദിച്ചും ബലം പ്രയോഗിച്ചും പ്രമാണങ്ങളില്‍ ഒപ്പിടുവിക്കാൻ ശ്രമിച്ചതായി വാർത്ത പുറത്തുവന്നിരുന്നു. ഇതിന്റെ അടിസ്‌ഥാനത്തിലാണ് നടപടി.
മാതാപിതാക്കളുടെയും മുതിര്‍ന്ന പൗരൻമാരുടെയും ക്ഷേമവും സംരക്ഷണവും ഉറപ്പുവരുത്തുന്ന ആക്‌ട് പ്രകാരം അടിയന്തര നടപടിയെടുക്കാനാണ് മന്ത്രി നിർദ്ദേശം നൽകിയത്.
Malabar News: ഓടിക്കൊണ്ടിരുന്ന ബസിന്റെ ചില്ല് തകർന്നു; മൂന്ന് പേർക്ക് പരിക്ക്
