തിരുവനന്തപുരം: സിവിൽ സപ്ളൈസ് കോർപറേഷൻ ഓൺലൈൻ വിൽപന ആരംഭിച്ചു. വിൽപനയുടെ ജില്ലാതല ഉൽഘാടനം തിരുവനന്തപുരത്ത് ഭക്ഷ്യ പൊതുവിതരണ വകുപ്പ് മന്ത്രി ജിആർ അനിൽ നിർവഹിച്ചു. സംസ്ഥാനത്തുടനീളം മാർച്ച് മാസത്തോടെ പദ്ധതി സമ്പൂർണമാക്കുമെന്ന് മന്ത്രി പറഞ്ഞു.
സർക്കാർ സപ്ളൈകോ വിപണന കേന്ദ്രങ്ങളിൽ നടത്തി വരുന്ന നവീകരണത്തിന്റെ ഭാഗമായാണ് സിവിൽ സപ്ളൈസ് കോർപറേഷനുകളിലും ഓൺലൈൻ വിൽപനയുടെ പുതിയ സാധ്യതകൾ പരീക്ഷിക്കുന്നത്.
സപ്ളൈകോ വില്പന ശാലകളിലെ സബ്സിഡി ഉല്പന്നങ്ങള് ഒഴികെയുള്ള എല്ലാ നിത്യോപയോഗ സാധനങ്ങളും ഓണ്ലൈന് സംവിധാനത്തിലൂടെ ഹോം ഡെലിവറി ചെയ്യും. മില്മ, ഹോര്ട്ടികോര്പ്പ്, മൽസ്യഫെഡ് തുടങ്ങിയ പൊതുമേഖലാ സ്ഥാപനങ്ങളുടെ ഉല്പന്നങ്ങളും ഈ ഓണ്ലൈന് സൗകര്യമുപയോഗിച്ച് ഓര്ഡര് ചെയ്യാനാകും.
ഗതാഗത മന്ത്രി ആന്റണി രാജു അധ്യക്ഷത വഹിച്ച ഉൽഘാടന ചടങ്ങിൽ ഓൺലൈൻ വിൽപന സംവിധാനത്തിന്റെ ഉൽഘാടനം ആദ്യ ഓര്ഡര് നല്കി പൊതുവിദ്യാഭ്യാസ മന്ത്രി വി ശിവൻകുട്ടി നിർവഹിച്ചു.
Most Read: മധുപാൽ സാംസ്കാരിക ക്ഷേമനിധി ബോർഡ് ചെയർമാൻ സ്ഥാനത്തേക്ക്