ഡെല്‍ഹി: ഡെൽഹിയില്‍ പോലീസ് കസ്‌റ്റഡിയിൽ ആയിരുന്ന ഗുണ്ടാ നേതാവിനെ പോലീസിനെ ആക്രമിച്ച് കസ്‌റ്റഡിയില്‍ നിന്ന് മോചിപ്പിച്ചു. കുല്‍ദീപ് മന്‍ എന്ന ഗുണ്ടാ തലവനാണ് രക്ഷപ്പെട്ടത്. ഇന്ന് ഉച്ചക്ക് 1.30യോടെയാണ് സംഭവം.
പോലീസ് ജീപ്പിനെ വളഞ്ഞ് വാഹനം നിര്‍ത്തിയിട്ട് തോക്ക് ഉപയോഗിച്ചായിരുന്നു ആക്രമണം. ഗുണ്ടാ സംഘത്തിലെ ഒരാളെ പോലീസ് വെടിവച്ച് കൊലപ്പെടുത്തി. ഒരാള്‍ക്ക് ഗുരുതരമായി പരുക്കേറ്റു. ഇതിനിടെ ഗുണ്ടാ നേതാവ് അക്രമികളുടെ വാഹനത്തില്‍ കയറുകയായിരുന്നു.
ഗുണ്ടാ തലവനെ വൈദ്യ പരിശോധനക്കായി ജിടിബി ആശുപത്രിയില്‍ എത്തിച്ചപ്പോഴാണ് സംഭവം. ആയുധ കടത്ത്, അക്രമം എന്നിവ ആരോപിച്ചായിരുന്നു കുല്‍ദീപിന്റെ അറസ്‌റ്റ്. എട്ടോളം പേര്‍ അക്രമി സംഘത്തിലുണ്ടായിരുന്നു.
Read Also: ഷില്ലോങ്ങ് ടൈംസ് എഡിറ്റർക്ക് എതിരായ എഫ്ഐആർ സുപ്രീം കോടതി റദ്ദാക്കി
