തിരുവനന്തപുരം: കെഎസ്യു പ്രവർത്തകർ നിയമസഭയിലേക്ക് നടത്തിയ മാർച്ചിൽ സംഘർഷം. പ്രവർത്തകരെ പോലീസ് അറസ്റ്റ് ചെയ്ത് നീക്കി. തിരുവനന്തപുരം ലോ കോളേജിൽ കെഎസ്യു വനിതാ പ്രവർത്തകയെ എസ്എഫ്ഐ പ്രവർത്തകർ വളഞ്ഞിട്ട് ആക്രമിച്ച സംഭവത്തിൽ പ്രതിഷേധിച്ചായിരുന്നു മാർച്ച്.
നിയമസഭയിലേക്ക് പ്രവേശിക്കുന്ന റോഡിൽ വെച്ച് തന്നെ മാർച്ച് പോലീസ് തടഞ്ഞു. തുടർന്ന് ബാരിക്കേഡ് തകർത്ത് മുന്നോട്ട് നീങ്ങാൻ ശ്രമിച്ച പ്രവർത്തകർക്ക് നേരെ പോലീസ് ജലപീരങ്കി പ്രയോഗിച്ചു. ഇതിനിടെ കല്ലേറുമുണ്ടായി.
തുടർന്ന് പാളയത്ത് കെഎസ്യു പ്രവർത്തകർ ഉപരോധം നടത്തി. ഇതിനിടെ ഒരു വിഭാഗം പ്രവർത്തകർ രക്തസാക്ഷി മണ്ഡപത്തിന് സമീപം സ്ഥാപി ച്ചിരുന്ന ഇടത് സംഘടനകളുടെ ഫ്ളക്സും കൊടികളും തകർത്തു. പോലീസുമായി നേരിട്ട് ഏറ്റുമുട്ടലുണ്ടായി. കെഎം അഭിജിത്ത്, ഷാഫി പറമ്പിൽ എംഎൽഎ അടക്കമുള്ളവർ സംഭവ സ്ഥലത്ത് എത്തിയിരുന്നു.
Most Read: ഫോണില് നിന്ന് കളഞ്ഞത് സ്വകാര്യ സംഭാഷണങ്ങള്; ഹൈക്കോടതിയില് ദിലീപ്