വയനാട്: വനംവകുപ്പ് ഉദ്യോഗസ്ഥര്ക്ക് കോവിഡ്19 സ്ഥിരീകരിച്ചതിനെ തുടര്ന്ന് പുല്പ്പള്ളി ഫോറസ്റ്റ് സ്റ്റേഷന് അടച്ചു. നാല് വനംവകുപ്പ് ഉദ്യോഗസ്ഥര്ക്ക് കൊവിഡ്19 സ്ഥിരീകരിച്ചതിനെ തുടര്ന്നാണ് ഇലക്ട്രിക് കവലയിലുള്ള പുല്പ്പള്ളി ഫോറസ്റ്റ് സ്റ്റേഷന് താത്കാലികമായി അടച്ചത്.
തുടര്ന്നുള്ള ദിവസങ്ങളിലെ പുല്പ്പള്ളി സ്റ്റേഷന്റെ പ്രവര്ത്തനം ചെതലയം ഫോറസ്റ്റ് റേയ്ഞ്ച് ഓഫീസിലായിരിക്കും എന്ന് റെയ്ഞ്ച് ഓഫീസര് ടി. ശശികുമാര് പറഞ്ഞു. ഇലക്ട്രിക് കവലയില് സ്ഥിതിചെയ്യുന്ന കടയുടമക്ക് രോഗം സ്ഥിരീകരിച്ചതിനെ തുടര്ന്നാണ് വെള്ളിയാഴ്ച 100 പേര്ക്ക് ആന്റിജന് പരിശോധന നടത്തിയത്. ഇതില് നാലു വനംവകുപ്പ് ഉദ്യോഗസ്ഥരുള്പ്പെടെ അഞ്ചു പേര്ക്കാണ് രോഗം സ്ഥിരീകരിച്ചത്.