തിരുവനന്തപുരം: സംസ്ഥാനത്തെ വികസനവും ക്ഷേമവും സംബന്ധിച്ച് ചര്ച്ച ചെയ്യാന് പ്രതിപക്ഷ നേതാവ് രമേശ് ചെന്നിത്തലയെ വെല്ലുവിളിച്ച് മുഖ്യമന്ത്രി പിണറായി വിജയന്. ട്വിറ്ററിലൂടെ ആയിരുന്നു മുഖ്യമന്ത്രിയുടെ വെല്ലുവിളി.
കേരളത്തിലെ തിരഞ്ഞെടുപ്പ് പ്രചാരണം അവസാന ഘട്ടത്തിലാണെന്നും പ്രതിപക്ഷം വികസനവും ക്ഷേമവും സംബന്ധിച്ച ഒരു ചര്ച്ചക്ക് തയ്യാറാണോ എന്നതാണ് കേരളത്തിന് അറിയേണ്ടതെന്നും മുഖ്യമന്ത്രി പറഞ്ഞു. കൂടാതെ അവര്ക്ക് ധൈര്യമുണ്ടെങ്കില് ഞങ്ങളുടെ അഞ്ചു വര്ഷങ്ങളുമായി അവരുടെ 2011-16 ലെ പ്രകടനം താരതമ്യം ചെയ്യട്ടെയെന്നും പ്രതിപക്ഷ നേതാവ് ഇതിന് തയ്യാറാണോയെന്നും അദ്ദേഹം ട്വീറ്റിലൂടെ ചോദിച്ചു.
We are in the last leg of election campaigning. Kerala wants to know if the opposition is willing to discuss development and welfare, if they would dare to compare their performance in 2011-16 with that of ours over the last 5 years. Are you ready LoP?
— Pinarayi Vijayan (@vijayanpinarayi) March 31, 2021
Read Also: 45 വയസ് കഴിഞ്ഞവർക്കുള്ള കോവിഡ് വാക്സിനേഷൻ ഇന്ന് മുതൽ