തിരുവനന്തപുരം: മുഖ്യമന്ത്രിയുമായുള്ള ചർച്ച സൗഹാർദപരം ആയിരുന്നുവെന്ന് വ്യാപാരി വ്യവസായി ഏകോപന സമിതി. പ്രശ്ന പരിഹാരത്തിന് അടിയന്തര നടപടിയെടുക്കുമെന്ന് മുഖ്യമന്ത്രി ഉറപ്പ് നൽകിയെന്ന് വ്യാപാരി വ്യവസായി ഏകോപന സമിതി പ്രസിഡണ്ട് ടി നസിറുദ്ദീൻ പറഞ്ഞു.
കടകൾ തുറക്കുന്നത് സംബന്ധിച്ച തീരുമാനം വൈകിട്ട് വാർത്താ സമ്മേളനത്തിലൂടെ പ്രഖ്യാപിക്കാമെന്ന് മുഖ്യമന്ത്രി അറിയിച്ചെന്നും സമിതിയംഗങ്ങൾ മാദ്ധ്യമങ്ങളോട് പറഞ്ഞു. തങ്ങളുടെ പ്രശ്നങ്ങൾ മുഖ്യമന്ത്രിക്ക് മനസിലായിട്ടുണ്ടെന്നും ഇനി സമരത്തിന്റെ ആവശ്യമില്ലെന്നും വ്യാപാരികൾ വ്യക്തമാക്കി. വ്യാപാരികളെ ഭീഷണിപ്പെടുത്താൻ ഉദ്ദേശിച്ചിട്ടില്ലെന്ന് മുഖ്യമന്ത്രി പറഞ്ഞിരുന്നു. പെരുന്നാളിന് ഇളവുകൾ വേണമെന്നത് ഉൾപ്പടെയുള്ള വ്യാപാരികളുടെ ആവശ്യങ്ങളിൽ അനുകൂല തീരുമാനം ഉണ്ടാകുമെന്ന് അദ്ദേഹം ഉറപ്പ് നൽകിയെന്നും സംഘടനാ നേതാക്കൾ പറഞ്ഞു.
Also Read: ഓണച്ചന്തകൾ ഓഗസ്റ്റ് 14 മുതൽ; ഓൺലൈൻ വിപണനത്തിലേക്ക് സപ്ളൈകോയും