പാലക്കാട്: എന്ജിഒ എച്ച്ആര്ഡിഎസിനെതിരായ പരാതിയില് അന്വേഷണം. ആദിവാസികളുടെ പട്ടയഭൂമി കൈയേറി കുടിലുകള് തീവച്ചെന്ന പരാതിയില് എച്ച്ആര്ഡിഎസിനെതിരെ അന്വേഷണം നടത്താനാണ് ഉത്തരവ്. പാലക്കാട് ആസ്ഥാനമായി പ്രവര്ത്തിക്കുന്ന എന്ജിഒ ആണ് എച്ച്ആര്ഡിഎസ്.
എന്ജിഒക്കെതിരെ അന്വേഷണം നടത്താന് ഒറ്റപ്പാലം സബ് കളക്ടർക്ക് സംസ്ഥാന എസ്സി- എസ്ടി കമ്മീഷന് നിര്ദ്ദേശം നല്കി. മൂന്ന് മാസത്തിനകം അന്വേഷണ റിപ്പോര്ട് സമര്പ്പിക്കാനാണ് നിര്ദ്ദേശം.
അതേസമയം എച്ച്ആര്ഡിഎസ് അട്ടപ്പാടിയില് നിര്മിക്കുന്നത് വാസയോഗ്യമല്ലാത്ത വീടുകളാണെന്നും പരാതിയുണ്ട്. ഇനി വീടുകള് നിര്മിക്കാന് എച്ച്ആര്ഡിഎസിന് അനുവാദം നല്കരുതെന്നും കളക്ടര് നിര്ദ്ദേശം നല്കിയിട്ടുണ്ട്. അട്ടപ്പാടി ആദിവാസി ആക്ഷന് കൗണ്സിലിന്റെ പരാതിയിലാണ് നടപടി. എച്ച്ആര്ഡിഎസിലെ സോഷ്യല് റെസ്പോന്സിബിലിറ്റി ഡയറക്ടറാണ് സ്വർണക്കടത്തു കേസിലെ പ്രതിയായ സ്വപ്ന സുരേഷ്.
Most Read: സ്വപ്നയുടെ ആരോപണം; പിന്നില് ബിജെപിയെന്ന് പകല്പോലെ വ്യക്തം- യെച്ചൂരി