കോഴിക്കോട്: സിപിഎം പ്രവർത്തകന്റെ പറമ്പ് കയ്യേറി കൃഷി നശിപ്പിച്ചതായി പരാതി. സിപിഎം വെള്ളൂർ ബ്രാഞ്ച് അംഗവും മുൻ പഞ്ചായത്ത് അംഗവുമായ പി ചാത്തുവിന്റെ പറമ്പിലെ കവുങ്ങുകളാണ് സാമൂഹ്യ വിരുദ്ധർ വെട്ടി നശിപ്പിച്ചത്.
സംഭവത്തിന് പിന്നിൽ പ്രദേശ വാസികളായ ഒരു സംഘമാണ് എന്നാണ് ചാത്തുവിന്റെ ആരോപണം. നാദാപുരം എസ്ഐ രാംജിത്ത് പി ഗോപിയുടെ നേതൃത്വത്തിൽ പോലീസ് സ്ഥലത്തെത്തി പരിശോധന നടത്തി.
തന്റെ ഏക വരുമാന മാർഗം കൃഷിയാണെന്ന് പറഞ്ഞ ചാത്തു സംഭവവുമായി ബന്ധപ്പെട്ട് അക്രമികളുടെ പേര് സഹിതം നാദാപുരം പോലീസിൽ പരാതി നൽകിയിട്ടുണ്ടെന്നും വ്യക്തമാക്കി. പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Malabar News: ആരാധനാലയങ്ങളിലെ നിയന്ത്രണം; തീരുമാനം തിങ്കളാഴ്ചയെന്ന് കളക്ടർ