തിരുവനന്തപുരം: കടകള്‍ തുറക്കാന്‍ ഇളവുകള്‍ നല്‍കിയ തീരുമാനങ്ങള്‍ സ്വാഗതം ചെയ്‌ത്‌ വ്യാപാരികള്‍. എന്നാൽ, ഇളവുകള്‍ ഉല്‍സവ കാലത്ത് മാത്രം ഒതുങ്ങരുത്. മൈക്രോ കണ്ടെയ്‌ൻമെന്റ് നിശ്‌ചയിക്കാനുള്ള പുതിയ മാനദണ്ഡത്തെക്കുറിച്ച് പഠിച്ചതിന് ശേഷം അഭിപ്രായം പറയുമെന്ന് വ്യാപാരി വ്യവസായി സമിതി അധികൃതർ പറഞ്ഞു.
സര്‍ക്കാരിന്റെ പുതിയ തീരുമാനങ്ങള്‍ സ്വാഗതാര്‍ഹമെന്നാണ് വ്യാപാരികളുടെ പ്രതികരണം. ഇളവുകള്‍ പ്രഖ്യാപിച്ചില്ലെങ്കില്‍ തിങ്കളാഴ്‌ച മുതല്‍ കടകള്‍ തുറന്ന് പ്രവര്‍ത്തിക്കുമെന്ന് വ്യാപാര സംഘടനകള്‍ മുന്നറിയിപ്പ് നല്‍കിയിരുന്നു. കൂടാതെ, വ്യാപാരികള്‍ക്ക് നേരെയെടുത്ത കേസുകളും പിഴയും പിന്‍വലിക്കണമെന്നും ആശ്വാസ പദ്ധതികള്‍ നടപ്പിലാക്കണമെന്നും സംഘടന ആവശ്യപ്പെട്ടു.
Also Read: ലോക്ക്ഡൗൺ ഇളവുകൾ; കേരളത്തിലെ നടപടിക്കെതിരെ കേന്ദ്രസംഘം
