മുംബൈ: കോവിഡ് ബാധിച്ച് കോൺഗ്രസ് നേതാവും രാജ്യസഭാ എംപിയുമായ രാജീവ് സാതവ് അന്തരിച്ചു. 46 വയസായിരുന്നു. കോവിഡ് ബാധയെ തുടർന്ന് പൂനെയിലെ ജഹാംഗീർ ആശുപത്രിയിൽ ചികിൽസയിൽ കഴിയവെ ഇന്ന് രാവിലെയാണ് അന്ത്യം.
ഗുരുതരാവസ്ഥയിൽ ആയതിനെ തുടർന്ന് വെന്റിലേറ്ററിൽ കഴിയുകയായിരുന്നു. ഏപ്രിൽ 20നാണ് ഇദ്ദേഹത്തിന് കോവിഡ് സ്ഥിരീകരിച്ചത്.
കോൺഗ്രസ് നേതാവ് രാഹുൽ ഗാന്ധിയോട് വളരെയധികം അടുപ്പമുളള നേതാക്കളിൽ ഒരാൾ കൂടിയായിരുന്നു രാജീവ് സാതവ്. രാജീവിന്റെ മരണം കനത്ത നഷ്ടമാണെന്ന് രാഹുൽ ട്വീറ്റ് ചെയ്തു. അദ്ദേഹത്തിന്റെ കുടുംബത്തിന് അനുശോചനവും സ്നേഹവും അറിയിക്കുകയാണെന്നും അദ്ദേഹം ട്വിറ്ററിൽ കുറിച്ചു. കോൺഗ്രസിന്റെ മുൻനിര യോദ്ധാവായ രാജീവിന്റെ നഷ്ടം നികത്താൻ ആവാത്തതാണെന്ന് കോൺഗ്രസ് ജനറൽ സെക്രട്ടറി കെസി വേണുഗോപാൽ പറഞ്ഞു. നിരവധിപേർ മരണത്തിൽ അനുശോചനം രേഖപ്പെടുത്തി.
I’m very sad at the loss of my friend Rajeev Satav. He was a leader with huge potential who embodied the ideals of the Congress.
It’s a big loss for us all. My condolences and love to his family. pic.twitter.com/mineA81UYJ
— Rahul Gandhi (@RahulGandhi) May 16, 2021
Read Also: സ്പുട്നിക് വാക്സിന്റെ രണ്ടാം ബാച്ച് ഇന്ത്യയിലെത്തി