ന്യൂഡെൽഹി: രാജ്യത്ത് പാചക വാതകത്തിന് വില വീണ്ടും വര്ധിപ്പിച്ചു. സിലിണ്ടർ ഒന്നിന് 25 രൂപയാണ് കൂടിയത്. ഇതോടെ ഗാര്ഹിക ആവശ്യത്തിനുള്ള പാചക വാതക സിലിണ്ടറിന്റെ വില കൊച്ചിയില് 826 ആയി ഉയർന്നു. വാണിജ്യ ആവശ്യത്തിനുള്ള പാചക വാതകത്തിന്റെ വില 1618 ആയി.
കഴിഞ്ഞ ഒരു മാസത്തിനിടെ 125 രൂപയാണ് പാചക വാതകത്തിന് വര്ധിച്ചത്. നാലുദിവസം മുന്പും 25 രൂപ വര്ധിച്ചിരുന്നു. ഇതിന് പിന്നാലെയാണ് ഇന്നും വില കൂട്ടിയിരിക്കുന്നത്.
സാധാരണക്കാരെ ഏറെ പ്രതിസന്ധിയിലാകുന്ന രീതിയിലാണ് പാചക വാതക വില വര്ധിക്കുന്നത്. വില വര്ധിച്ചിട്ടും സബ്സിഡി തിരികെ കൊണ്ടുവരാന് കേന്ദ്ര സർക്കാർ തയ്യാറായിട്ടില്ല.
Also Read: ചൂട് കൂടി; കേരളത്തിൽ വൈദ്യുതി ഉപയോഗം കുത്തനെ ഉയരുന്നു